2025-yil 11-noyabr kuni Qo‘qon temir yo‘l texnikumida 1-bosqich o‘quvchilari ishtirokida “Kitob — ma’naviyat ko‘zgusi” mavzusida ma’naviy-ma’rifiy davra suhbati tashkil etildi. Tadbirning maqsadi yoshlarni kitob o‘qishga bo‘lgan qiziqishini oshirish, ularni badiiy va ilmiy adabiyotlar orqali keng dunyoqarash, teran tafakkur va yuksak ma’naviyat ruhida tarbiyalashdan iborat bo‘ldi.

Davra suhbatini texnikum ma’naviyat va ma’rifat bo‘limi hamda kutubxona mudirasi tashkil etdi. Unda o‘qituvchilar, faol talabalar hamda kutubxona xodimlari ishtirok etishdi. Tadbir davomida kitobxonlikning ahamiyati, kitobning inson hayotidagi o‘rni va bugungi yoshlar uchun uning tarbiyaviy ahamiyati haqida so‘z yuritildi.