Texnikumda talabalar nafaqat nazariy bilimlar, balki amaliy ko‘nikmalarni ham egallaydilar. O‘quv-amaliy mashg‘ulotlar, seminarlar va ishlab chiqarish amaliyotlari muntazam tashkil etilib, talabalar kelgusida o‘z kasbi bo‘yicha mustaqil faoliyat yuritishga tayyorlanadi.

Texnikum kutubxonasi boy fondga ega bo‘lib, unda 15 632 dona turli yo‘nalishdagi adabiyotlar jamlangan. Jumladan, umumta’lim, umumkasbiy, maxsus va badiiy adabiyotlar talabalar va o‘qituvchilar uchun doimiy foydalanishga taqdim etilgan.

Ta’lim yo‘nalishlari

Qo‘qon shaxar 4-son texnikumida quyidagi asosiy yo‘nalishlar bo‘yicha mutaxassislar tayyorlanadi:

• Lokomotiv boshqarish mashinisti va uning yordamchisi

• Temir yo‘l transportida avtomatika va telemexanika

• Harakatni tashkil etish va boshqarish

• Lokomotivlar hamda temir yo‘l vagonlariga texnik xizmat ko‘rsatish va ta’mirlash

• Temir yo‘l transportida elektrlashtirish va elektr ta’minoti

Shuningdek, buxgalteriya hisobi va audit, kompyuter tizimlarida dasturlash, payvandlovchi, elektr stansiyalari uskunalarini ta’mirlash kabi yo‘nalishlar ham mavjud.

Texnikum bitiruvchilari temir yo‘l transporti tizimida, sanoat korxonalarida hamda xizmat ko‘rsatish sohalarida muvaffaqiyatli faoliyat yuritib kelmoqdalar. Ta’lim sifati, mustahkam moddiy-texnik baza va tajribali pedagoglar jamoasi texnikumning asosiy ustunliklaridan biridir.