2025-yil 4-dekabr kuni Qo‘qon temir yo‘l texnikumida O‘zbekiston Respublikasi Davlat Konstitutsiyasi qabul qilinganligining 33 yilligiga bag‘ishlab “Konstitutsiya – bosh qomusimiz” mavzusida davra suhbati tashkil etildi.

Tadbir davomida Konstitutsiya – davlatimizning bosh hujjati, fuqarolarning huquq va burchlarini himoya qiluvchi asosiy kafolat ekanligi ta’kidlandi. Shuningdek, yoshlarni huquqiy savodxonlikka o‘rgatish, ularning konstitutsiyaviy bilimlarini mustahkamlash va Vatanga sadoqat ruhida tarbiyalash bugungi kunning ustuvor vazifalaridan biri ekani qayd etildi.

Davra suhbati jarayonida o‘quvchilar uchun interaktiv savol-javoblar, huquqiy mavzularga doir taqdimotlar hamda Konstitutsiyaga oid ma’lumotlar taqdim etildi.