2026-yil 2-aprel kuni “Yoshlar kuni” doirasida Qo‘qon shahar 4-son texnikumida Qo‘qon shahar IIB boshlig‘i M.Y. To‘rayev ishtirokida yoshlar bilan profilaktik uchrashuv tashkil etildi.

 Uchrashuv davomida PQ-1 qarori ijrosini ta’minlash, yoshlar o‘rtasida huquqbuzarlik va jinoyatchilikning oldini olish, shuningdek, ularning huquqiy ongini yuksaltirish masalalariga alohida e’tibor qaratildi.

Tadbirda texnikumning faol o‘quvchi yoshlari ishtirok etib, ular bilan ochiq muloqot o‘tkazildi. Yoshlar tomonidan berilgan savollarga batafsil javoblar berilib, ularni qiziqtirgan dolzarb masalalar muhokama qilindi.

 M.Y. To‘rayev o‘z so‘zida yoshlarni qonunlarga hurmat ruhida tarbiyalash, ularning bo‘sh vaqtini mazmunli tashkil etish, zararli illatlardan yiroq bo‘lish hamda kelajakda jamiyatga foydali shaxs bo'lishni ta’kidladi.

Mazkur uchrashuv yoshlarning huquqiy savodxonligini oshirish, ularni turli salbiy holatlardan himoya qilish hamda sog‘lom va xavfsiz muhitni shakllantirishga xizmat qildi.