Milliy qadriyatlar – millat maʼnaviyatining koʻzgusi

Bugun Qoʻqon shahar 4-son texnikumida anʼanaviy tarzda “Milliy qadriyatlar – millat maʼnaviyatining koʻzgusi” shiori ostida Milliy liboslar chellenji oʻtkazildi. 👘🇺🇿

Mazkur tadbirdan koʻzlangan asosiy maqsad — oʻquvchi-yoshlar qalbida milliy qadriyatlarga hurmat, ona Vatanga sadoqat, ajdodlar merosiga ehtirom tuygʻularini yanada mustahkamlashdan iborat boʻldi.

Chellenj davomida oʻquvchilar va pedagog-xodimlar milliy liboslarda faol ishtirok etib, oʻzbek xalqining boy madaniy merosi, urf-odat va anʼanalarini namoyon etdilar. Tadbir jarayonida milliy kuy-qoʻshiqlar yangrab, koʻtarinki ruh hukm surdi. 🌺🎶

Bunday maʼnaviy-maʼrifiy tadbirlar yoshlar ongida milliy oʻzlikni anglash, qadriyatlarimizni asrab-avaylash va kelajak avlodga yetkazishda muhim ahamiyat kasb etadi.