2025-yil 9-oktabr kuni Qo‘qon temir yo‘l texnikumida Farg‘ona viloyati Transportda xavfsizlikni ta’minlash boshqarmasi (XTB) HPG katta inspektori mayor Z.M. Mirzayunusov, PPX safdor hodimi A. To‘ychiyev hamda texnikumning yoshlar bilan ishlash bo‘yicha direktor o‘rinbosari R. Tursunovlar ishtirokida o‘quvchilar uchun profilaktik-ma’rifiy tadbir tashkil etildi.

Tadbir davomida o‘quvchilarga transportda xavfsizlik qoidalariga qat’iy rioya qilish, jamoat joylarida huquqbuzarliklarning oldini olish, yoshlarning huquqiy madaniyatini oshirish hamda vatanparvarlik ruhida tarbiyalash masalalari bo‘yicha tushuntirishlar berildi.

Shuningdek, ishtirokchilar tomonidan turli hayotiy misollar asosida jinoyatchilikka qarshi kurashish, internet xavfsizligi, yo‘l harakati qoidalariga rioya qilish va yoshlarning mas’uliyatini oshirish mavzularida suhbat o‘tkazildi.